Despedida Cristina

Bueno antes de nada dicir que traballar con Marta e Eva foi unha experiencia moi divertida, traballamos todas moitísimo en cada actividade e tamén aprendimos cousas que non sabíamos que se podíaan facer en en equipo.

En canto a min, esta asignatura superou todas as miñas espectativas, aprendin a utilizar farramentas que todavía non coñecía e que son moi útiles para poder plasmasr os contidos de forma máis creativa. As licencias, aaaaaaaaaiiiiii as licencias, nunca lles prestara atención ata agora e grazas a estes proxectos poiden descubrir a súa importancia á hora de facer as cousas na rede.

Estou moi agradecida as profesoras que os ensinaron e axudaron en todo, e sempre cun soriso!!!!

Bueno ata aquí o blog pola miña parte, as miñas compañeiras tamén fixeron unha despedida, así que de novo moitas grazas e a ver se nos vemos en futuros cursos!!!

Un biquiño e saúde.

Despedida Marta

Ola a todas e todos!!

Esta será a miña última publicación neste blog, xa que forma parte dunha das nosas materias do segundo cuadrimestre (Novas Tecnoloxías) que en breves rematará.

Con esta última entrada gustaríame despedirme desta asignatura e de todas e todos vós. A verdade é que, ao principio do curso, as miñas expectativas sobre as TIC non eran moi boas. Parecíanme un pouco complicadas á hora de empregalas, como se pode ver na miña primeira entrada deste blog.

Con todo, grazas ás actividades que fomos realizando en diferentes formatos e con distintas ferramentas, a miña percepción foi mudando. Agora, aínda que algúns proxectos resultáronnos máis complexos de levar a cabo (principalmente por problemas técnicos), podo dicir que se poden lograr resultados moi bos e con apariencia profesional sen ser unha/un experta/o en tecnoloxía.

Ademais, comprendín a importancia que ten a utilización das TIC no ámbito educativo e descubrín moitas das potencialidades que nos ofrecen estes recursos.

Gustaríame tamén agradecerlle ás miñas compañeiras Cristina e Eva, integrantes do grupo TECMEC, os seus esforzos e o seu traballo ao longo do curso. É moi doado traballar con elas, ao mesmo tempo que entretido. Penso que nos organizamos moi ben e que cada unha de nós aporta algo diferente aos proxectos.

Anímovos a todas e todos a adentrarvos no mundo da tecnoloxía e aproveitalo ao máximo, sempre de forma responsable e tendo en conta os riscos que pode supor.

Ata sempre!! 🚀✨

Despedida Eva

Ola a todos e todas!

Esta é a miña última entrada neste blog, xa que en breves remata o cuatrimestre e con el o curso, o que significa non volver a ter esta asignatura no resto da carreira. Sinceramente, esto dame bastante pena xa que me pareceu moi interesante todo o que aprendemos nela e as actividades que realizamos, sobre todo, nas clases prácticas paréceronme moi entretidas e útiles  para as nosas futuras prácticas docentes.

En canto ó meu grupo de traballo, nas clases prácticas, estou super contenta de telas como compañeiras. Son persoas super traballadoras, con moito entusiasmo por facer as cousas o mellor posible e sempre están dispostas a botar unha man no que falla falta. Sen dúvida, parécenme características moi importantes a destacar en calqueira traballo e canto máis na que estamos a intentar conseguir...

Creo que nos esforzamos moito nas diferentes actividades tanto individualmente como en grupo e soubemos como sacar todo cara diante a pesar dos diferentes contratempos. De seguro porei en práctica todo o aprendido nesta asignatura no futuro.

Esperamos vervos pronto. Unha aperta moi forte.










De seguro utilizarei estes coñecementos no futuro

Proxecto Final

Moi bo día a todos e todas!

Na última sesión de Novas Tecnoloxías pedíronnos crear un proxecto final, incluíndo tódolas actividades creadas ata agora. Consiste nunha web creada con Wix, na que engadimos estes recursos de forma ordenada, guiando a práctica docente que se levaría a cabo do tema do Universo e o Sistema Solar.

Esta orde corresponde cunha introdución do tema, coa axuda dun póster repleto de vídeos explicativos e actividades interactivas; unha WebQuest para que o alumnado mellore as súas capacidades de análise e amplie os seus coñecementos sobre este tema de forma grupal; un libro dixital con actividades feitas por nós co que practicar os contidos dados e repasalos; un audiovisual como proxecto final a realizar polo alumnado co fin de repasar a materia de forma lúdica; e un paper circuit como actividade complementaria, tamén a realizar polo alumnado.

Todas estas actividades podédelas atopar explicadas e enlazadas neste blog, ainda que na web aparecen moito máis ordenadas, estruturadas e cun acceso máis sinxelo.

Esta web está licenciada con creative commons e podedes visitala premendo na seguinte imaxe. Esperamos que vos guste moito e que vos sexa moi útil, un saúdo!

Webquest

Ola a todos e todas!!!!

Hoxe imos falarvos dunha Webquest que levamos a cabo estes días. Seguramente vos estaredes preguntando que é unha Webquest, pois é unha actividade didáctica que implica a utilización da capacidade de síntese, de ánalise, de comprensión.... e que fomenta, entre outras cousas, a busca de información, a selección de puntos crave e un bo traballo en grupo. Para realizar este recurso empregamos Google Sites.

Escollimos a Unidade Didáctica do Universo e o Sistema Solar da materia de Ciencias Sociais, coa que fixemos unha tarefa na que os nenos e nenas, en grupos de 5 integrantes, terán que buscar información sobre os diferentes planetas e elementos que conforman o Universo, para posteriormente xuntar todos eses datos nun folleto turístico, que deberán crear con Canva.

Esta actividade está creada para o alumnado de 3º e 4º de Educación Primaria e se realizará nunhas 7 ou 8 sesións. Nestas sesións cada equipo deberá buscar, seleccionar e sintetizar informarción e crear o folleto, coa supervisión do profesor ou profesora. A modo de conclusión da tarefa, o alumnado exporá de forma oral o seu traballo a toda a clase.

Coa Webquest pretendemos que os nenos/as aprendan a usar as ferramentas TIC no seu proceso de aprendizaxe, que sepan sintetizar e analizar a información, que aprendan a colaborar e a traballar de forma cooperativa, que contrasten a información proporcionada e que fagan conclusións propias do aprendido.

Accede á nosa Webquest para obter máis información clicando na seguinte fotografía. Esperamos que vos sexa de axuda e vos guste moito.

Vémonos pronto.

Análise de Recursos

Na sesión 3 de prácticas de Novas Tecnoloxías escollimos 2 recusos educativos cada integrante do noso grupo, posteriormente procedemos a analizalos. Cabe destacar que estos recursos teñan que ter relación co tema que estamos a tratar que é o Universo. Indagando pola rede encontrei unha actividade e un vídeo dos que procederei a falar.

Primeiro falarei do vídeo, este vídeo de Youtube explica de forma moi visual e sinxela o tema do Sistema Solar para o alumnado de Primaria, pódese observar que hai unha gran cantidade de imaxes e tamén está moi ben animado para que non se faga monótono para o alumnado que o vexa. Cabe destacar de que usa unha linguaxe totalmente adecuada e añade datos extra dos planetas que conforman o Sistema Solar.

O outro recurso que analicei foi un xogo educativo que trata do mesmo tema que o vídeo previamente mencionado. Neste caso o xogo vai de relacionar os nomes dos planetas ao planeta e viceversa. Este xogo o que pretende é que se adquira a habilidade de distinguir os planetas pola súa forma ou cores. Ao finalizar as fases do xogo, este presenta variaas curiosidades sobre os planetas que poden ser moi educativas para os rapaes e rapazas. O modo de xogo é moi intuitivo e fácil e ofrece dunha forma máis divertida e dinámica o aprender sobre o Sistema Solar.

Actividades interactivas

Ola de novo!

Esta semana deseñamos un libro onde integramos 6 actividades interactivas feitas por nós. 

Para realizalas, primeiro investigamos un pouco as diferentes ferramentas que existen na Web para crear estas actividades e que as nosas profesoras nos suxeriron. Finalmente, cada integrante do grupo escolleu unha páxina distinta para así ter recursos variados e con distintos formatos. 

Entre elas estaban Kahoot!, unha ferramenta online onde se poden crear xogos de aprendizaxe e cuestionarios de preguntas e respostas dunha forma moi sinxela e intuitiva.

Outra páxina online e que empregamos é Educaplay. É moi fácil de empregar e permite crear e encontrar actividades educativas bastante completas e atractivas.

Tamén usamos ferramentas de autor, é dicir, instalables como Ardora e Hot Potatoes. Constructor 2.0,  tamén ten páxina Web, vale para elaborar recursos didácticos de forma rápida e eficaz. Ardora permite crear máis de 35 tipos de actividades, así como 10 tipos distintos de páxinas multimedia. E con Hot Potatoes pódense desenrolar ata 5 modelos de actividades (crucigramas, cuestionarios, exercicios de relacionar...) e xuntalas posteriormente.

Ademais, utilizamos instrumentos de linguaxe de programación como Scratch, xa que algunha de nós xa a empregara anteriormente. Serve para crear historias interactivas, xogos e animacións de boa calidade e cunha apariencia profesional.

Outras opcións que tiñamos para escoller son, entre outras, App Inventor coa que se poden crear aplicacións e EdiLIM, mediante a cal formamos un libro interactivo multimedia con todas as nosas actividades.

Podedes acceder ás ferramentas mencionadas facendo clic nelas.