Actividades interactivas

Ola de novo!

Esta semana deseñamos un libro onde integramos 6 actividades interactivas feitas por nós. 

Para realizalas, primeiro investigamos un pouco as diferentes ferramentas que existen na Web para crear estas actividades e que as nosas profesoras nos suxeriron. Finalmente, cada integrante do grupo escolleu unha páxina distinta para así ter recursos variados e con distintos formatos. 

Entre elas estaban Kahoot!, unha ferramenta online onde se poden crear xogos de aprendizaxe e cuestionarios de preguntas e respostas dunha forma moi sinxela e intuitiva.

Outra páxina online e que empregamos é Educaplay. É moi fácil de empregar e permite crear e encontrar actividades educativas bastante completas e atractivas.

Tamén usamos ferramentas de autor, é dicir, instalables como Ardora e Hot Potatoes. Constructor 2.0,  tamén ten páxina Web, vale para elaborar recursos didácticos de forma rápida e eficaz. Ardora permite crear máis de 35 tipos de actividades, así como 10 tipos distintos de páxinas multimedia. E con Hot Potatoes pódense desenrolar ata 5 modelos de actividades (crucigramas, cuestionarios, exercicios de relacionar...) e xuntalas posteriormente.

Ademais, utilizamos instrumentos de linguaxe de programación como Scratch, xa que algunha de nós xa a empregara anteriormente. Serve para crear historias interactivas, xogos e animacións de boa calidade e cunha apariencia profesional.

Outras opcións que tiñamos para escoller son, entre outras, App Inventor coa que se poden crear aplicacións e EdiLIM, mediante a cal formamos un libro interactivo multimedia con todas as nosas actividades.

Podedes acceder ás ferramentas mencionadas facendo clic nelas.

Actividades multimedia

Bos días a todas e todos!

Hoxe ímosvos presentar as nosas actividades multimedia. Estas, consisten nuns xogos didácticos orientados ó repaso e adquisisción de coñecementos, sobre o Universo e o Sistema Solar, para o alumnado de EP. Cada unha de nós fixo dúas actividades que xuntamos nun libro dixital feito con Edilim, ferramenta especializada nisto. Estas actividades fixémolas con algunhas ferramentas que nos suxeriron para levar a cabo este proxecto, e foron estas 5:

- Ardora

- Educaplay

- Constructor 2.0

- Hot potatos

- Scracht

Nestas ferramentas atopamos unha gran variedade de actividades a realizar como:

Dictados, frases para completar, cruzigramas, columnas de conceptos para unir... e nos que podiamos elixir as súas características e funcionamento.

Nos escollimos:

- Eva:

Eu escollín como ferramentas Educaplay e Constructor 2.0, ferramentas bastante sinxelas e intuitivas de utilizar, coas que fixen unha sopa de letras e un crucigrama, relacionados co noso tema. Considero que estes xogos chamarán a atención do alumnado, motivandoos e é unha forma lúdica de seguir aprendendo e repasando conceptos. As actividades presentan unha explicación sinxela do seu funcionamento e características, que axudará ó alumnado a realizarlas correctamente.

- Marta:

As ferramentas que eu utilicei son Scratch e Hot Potatoes. Escollín Scratch porque xa traballara con ela outros anos e porque é moi completa e ten moi boa calidade. Ademais, permite compartir os proxectos e inspirarte noutros moitos que xa existen. Por outro lado, Hot Potatoes é unha ferramenta máis sinxela coa que fixen unha actividade de rechear os ocos dunha serie de oracións. Estas actividades serviránlles para repasar os contidos dados na clase e para aprender un pouquiño máis sobre eles á vez que se entreteñen. Ambas constan dunha pequena introdución para guiar ao alumnado no xogo. 

- Cristina:

No meu caso escollin Ardora xa que este programa é bastante sinxelo de utilizar e porque os demais programas sen ser os das miñas compañeiras non me funcionaban mi ben. As dúas actividades que fixen foron un ahorcado e un xogo de relacionar planetas con información sobre eles. Escollín este tipo de actividades porque me pareceron máis visuais e máis entretidas. Finalmente añadir que ao ter imaxes poden ser un recurso moi didáctico e favorece a que queden na memoria dos nenos e nenas.

- O noso libro de actividades:

Nel poderedes atopar todas estas actividade citadas anteriormente e que esperamos que vos sexan de utilidade e vos gusten. Como xa vos contamos ó inicio da entrada, foi creado con Edilim e conta cunha portada, as actividades e os créditos. Todas as imáxenes empregadas no libro son de dominio público ao igual que os audios, polo que puidemos licenciar o noso libro como creative commons.

Paper circuits

Ola a tod@s!

O 26 de febreiro realizamos un proxecto con paper circuits relacionado co tema deste blog. Para quen non o saiba, os paper circuits son circuitos de baixo voltaxe feitos en papel ou cartón, usando cinta de cobre condutora, luces LED e unha fonte de enerxía como unha pila. Trátase dunha actividade sinxela, divertida e educativa para levar a cabo cabo co alumnado, de xeito que estes/as realizan os seus propios recursos educativos integrando a tecnoloxía neles. Así, tamén poden comprobar que a tecnoloxía non só son os medios dixitais (como os móbiles, tabletas, ordenadores...).

Como poderedes ver nas imaxes e no vídeo, nós decidimos facer unha pequena maqueta con dous planetas sobre unha base de cartón. Comezamos colocando os planetas no cartón con dous paus e a continuación debuxamos o percorrido que ía seguir a cinta de cobre e pegámola. Por último, engadimos as luces LED (unha amarela e outra vermella), unha pila e fixemos dous interruptores con clips.

A nosa intención é que o profesorado formule preguntas aos alumnos e alumnas e que estes/as, en pequenos grupos, respondan facendo ilumniar a opción que escolleron. 

Análise de recursos

Ola, a todas e todos.

Na sesión 3 da nosa clase de Novas Tecnoloxías mandáronnos escoller dous recursos que apoiasen as explicacións sobre o noso tema, O universo e en concreto o Sistema Solar. A función destes recursos é recordar, reforzar e aclarar o explicado anteriormente, dunha forma máis visual, lúdica e sinxela. Estes recursos tiñan que ser un xogo e un video explicativo, e eu elixín estes dous (Poderedes votarlle unha ollada pulsando en "xogo" e en "video" que estan de cor azul) :

-No apartado do xogo, atopei un pasapalabras con conceptos relacionados con elementos e características do Sistema Solar, que se pode adaptar a dificultade dependendo do curso dos alumnos, pero que está feito principalmente para o alumnado de 4º e 5º de primaria, e que poden utilizar de forma individual ou grupal. Pesenta un rosco con todas as letras do abecedario, un recadro no que aparece a descripción do concepto seleccionado para cada letra xunto con otro recadro para escribir a resposta, un reloxo para medir o tempo, un cadro no que se atopa a puntuación obtida polos acertos e unha marcación rápido para saber se se contestou correctamente ou non. Este xogo gustoume moito xa que me pareceu moi divertido para os nenos e nenas e moi util como forma de repaso.

- En canto o video explicativo, elixín un video animado no que se explica, cun vocabulario sinxelo, moitas curiosidades e conceptos clave do Sistema Solar que de seguro axudara ó alumnado a aprender moitísimos datos interesantes relacionados co Sistema Solar dunha forma moi divertida, xa que está feito como se fosen dibuxos animados. Este recurso está máis enfocado ó alumnado de 3º e 4º de primaria e paréceme moi útil e interesante para utilizalo como introducción ou repaso do tema.

Audiovisual explicativo 0.2

Hoxe creamos o noso Audiovisual sobre O Sistema Solar, no que explicamos algunhas das características principais dos diferentes compoñentes deste. Trátase dun vídeo explicativo, no que empregamos material feito por nós, como os planetas, o Sol... O audio atópase en castelán e dura 1:44 segundos, pero en total o vídeo dura aproximadamente 2 minutos. Ademais, engadímoslle unha presentación inicial e os créditos finais, nos que se pode ver a técnica que empregamos: a animación.

O audiovisual elaborámolo en horario lectivo cos materiais que trouxemos (un recurso para a grabación do vídeo e do son, os planetas pintados, o Sol...). Primeiro grabamos o audio e a continuación o vídeo. Para isto, Cristina encargouse da grabación e Marta e Eva interactuaron con elementos. 

Para a edición do proxecto axudámonos de clipchampcreate. A parte, fixemos unha presentación en canva (se queres acceder a ela fai clic na palabra canva) onde amosamos os contidos que queremos traballar co audiovisual (que), que pretendemos coa súa creación (para que) e a metodoloxía que evidencia o rol do/a docente e do alumnado (como).

Análise de recursos

Na sesión 3 tivemos que seleccionar dous recursos educativos dixitais (con diferentes lóxicas) para a súa posterior análise. Para isto, busquei en diversas páxinas: tiching, unha rede educativa con milleiros de recursos dende Ed. Infantil ata Bacharelato; JueduLand, unha páxina de xogos educativos de 1º a 6º de Ed. Primaria; nas axencias espaciais da NASA e da ESA; e no INTEF. Nestas webs hai materiais sobre moitas áreas de coñecemento, mais eu busquei aqueles que estivesen relaiconados co tema do noso proxecto, o Universo.

Fun probando disitntos recursos ata seleccionar os máis interesantes e os que máis se adaptaban ao que buscaba.

Finalmente, escollín un xogo de tiching chamado Mirando las estrellas e outro medio da ESA, en concreto a sección dos recursos multimedia da páxina (podedes aceder a eles clicando en "Mirando las estrellas" e "multimedia" ou nas imaxes que aparecen abaixo). O primeiro deles escollino porque é moi completo e penso que é unha alternativa moi interesante para as clases. Consta dunha ampla variedade de actividades para as distintas etapas educativas, así como de explicacións sobre os elementos da astronomía. Os vídeos da Axencia Espacial Europea (ESA) tratan dunha forma clara e sinxela asuntos relacionados co espazo e, ao tratarse de vídeos curtos, pódense aplicar nas aulas para amenizar as clases.

Audiovisual explicativo

Ola a todos e todas!!

Hoxe, catro de marzo, deseñamos unha proposta didáctica que debe integrar un producto audiovisual.

Realizamos unha explicación en canva, explicando de forma teórica que contidos vai integrar o proxecto, que pretendemos con el e como se vai a levar a cabo.
O audiovisual versará sobre o tema do noso blog, o Universo, en concreto o Sitema Solar.

Para escoller o tipo de audiovisual, fomos vendo exemplos de diferentes técnicas e tipos destes. O que máis nos interesou foi o vídeo explicavo, xa que é o que máis se adapta á nosa proposta. 

Tras indagar un pouco sobre diferentes ferramentas que nos suxeriron as nosas docentes para realizar o audiovisual, optamos por empregar clipchampcreate, posto que é unha ferramenta moi intuitiva que nos permite editar de forma sinxela e engadir imaxes e audio. Esta función permitiunos pór a voz en off, logrando que fora acorde ao tempo do vídeo.